Kongskyrkje ved Nordvegen. Olavskyrkja på Avaldsnes 750 år

"Kongskyrkje ved Nordvegen" fortel om Avaldsnes si rolle før og under samlinga av Noregsriket, om kyrkjebygget og kongen si rolle. Her får me vita korleis kyrkja dreiv handel, gjestgjevarverksemd og politikk, men også korleis ho fungerte som godseigar. Boka fortel om reising av kyrkjebygget, men også om korleis ho forfall og blei reist på ny. Me får vita om framståande og dyktige prestar som heldt til på Avaldsnes, men også om dei stride og merkelege prestane. Ikkje minst dreg boka fram menneska kring kyrkja, om deira tru og tankeliv, om magi og trollskap, men også om skiftande syn på kva som var rett og gale.